Qucağında körpəsi qətlə yetirilmiş ana…Gözləri önündə atası diri-diri yandırılmış qızcığaz…Gülüşü üzündə güllələnmiş körpələr…

          Həyat əsər-əlaməti qalmayan məsum uşaq gözlərində dəhşət harayı…

          Bir vaxtlar sevinclə dolu olan bu körpə baxışları insanların bir anda vəhşiliklə qətlə yetirilməsinin, şəhər və kəndlərin necə viran edilməsinin şahidi olmuşdur…

          Bu gün yüz minlərlə Azərbaycan vətəndaşı yaddaşlarında bu faciələrin ağrısı ilə yaşayır.

          Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasının bu internet səhifəsində Azərbaycan ərazilərinin ermənilər tərəfindən işğalı tarixi, azərbaycanlılara qarşı törədilmiş soyqırım və terror siyasəti, erməni əsir və giovluğunda olmuş Azərbaycan vətəndaşlarına qarşı törədilmiş cinayətlərə dair faktlar təqdim edilir.

          Sizi həqiqətləri bilmək üçün internet səhifəmizlə tanış olmağa dəvət edirik.