Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupunun beynəlxalq təşkilatlarla müntəzəm apardığı səmərəli danışıqlar nəticəsində, 11 aprel 2008-ci il tarixdə Azərbaycan Respublikasının Ağdam rayonu istiqamətində Ermənistan Respublikası hərbçiləri tərəfindən əsir götürülmüş, Azərbaycan Ordusunun əsgəri, 1989-cu il təvəllüdlü Heybətov Vüsal Şirsultan oğlu 3 may 2008-ci il tarixdə, Ağdam rayonu, Baş Qərvənd kəndi istiqamətində, qoşunların təmas xəttində əsirlikdən azad olunaraq Azərbaycan Respublikası Müdafiə Nazirliyinə təhvil verilmişdir.
Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupunun beynəlxalq təşkilatlarla müntəzəm apardığı səmərəli danışıqlar nəticəsində, 9 mart 2008-ci il tarixdə Azərbaycan Respublikasının Tovuz rayonu istiqamətində Ermənistan Respublikası hərbçiləri tərəfindən əsir götürülmüş, Azərbaycan Ordusunun əsgəri, 1988-ci il təvəllüdlü Muxtarov Yaqub Allahverdi oğlu 23 aprel 2008-ci il tarixdə, Qazax rayonu, Bala Cəfərli kəndi istiqamətində, qoşunların təmas xəttində əsirlikdən azad olunaraq Azərbaycan Respublikası Müdafiə Nazirliyinə təhvil verilmişdir.
